Boð eftir tyrluni

Løgreglan vitjaði í nátt skeinkingarstøð í Vágum, NorðurEysturoy og í Havn, men har var alt, sum tað skuldi vera. 

Lítið av fólki  var í býnum, - tó so, ein einsamallur maður sat á einum stubbasteini og svav í havnargøtu. Løgreglan vakti hann og hann kláraði sjálvur at ganga víðari, sigur vaktleiðarin í dag, Rani Wardum. 

Í gjár vóru boð eftir tyrluni at koma í Kalsoynna eftir einum franskari kvinnu, sum hevði fingið skaða í fótin. Hon varð stødd omanfyri Trøllanes. Tyrlan flutti kvinnuna til Klaksvíkar, har sjúkrabilur stóð fyri henni og flutti hana til Klaksvíkar Sjúkrahús til kanningar.

Fyrradagin vóru eisini boð eftir tyrluni. 

Ein donsk kvinna var til gongu á veg út á Trælanípuna í Vágum, men var áhaldsin og breyt beinið. Tyrlan flutti hana til landssjúkrahúsið.