Einki nýtt skip til sandoyarleiðina

Ternan skal ikki sigla í Skopunarfirði afturat Teistanum í summar. 

Men Ternan ger kanska onkran eykatúr í Skopunarfirði um náttina í summar við farmi og akførum.

Tað sigur Henrik Old, landsstýrismaður, í svari til Brand Sandoy, sum var í løgtinginum eitt skifti fyrr í ár.

Hann sigur, at tað er ein misskiljing, at Ternan skal sigla saman við Teistanum í Skopunarfirði í summar.  

Best hevði verið, sigur Henrik Old, at bíleggingarskipanin hjá Teistanum eisini fæst at virka í Skopun. 

Henrik Old sigur eisini, at ein skjóttgangandi bátur úr glastrevjum er trupul at fáa til Føroya, tí hann fær ikki neyðuga góðkenning her.