- Tíðindi, mentan og ítróttur
Bakkafrost selur partabrøv
Bakkafrost selur partabrøv
Stjórin í samtakinum Bakkafrosti, Regin Jacobsen, eigur nú næstan hálva fimtu millión partabrøv í Bakkafrosti.
![](https://kvf.fo/sites/default/files/styles/grein-ovasta-mynd/public/bakkafrost_3.png?itok=S0y01er-)
31.05.2018 - 11:05
Regin Jacobsen, stjóri á Bakkafrost, keypti 22 partabrøv mánadagin, tá P/f Bakkafrost aftur seldi starvsfólki partabrøv.
Regin Jacobsen eigur nú fýra milliónir og 494.946 partabrøv í Bakkafrosti.
Gunnar Nielsen, fíggjarstjóri, keypti 18 partabrøv og eigur nú 1450, sigur Bakkafrost í fráboðan til keypsskálan í Oslo.
Odd Eliasen, stjóri í Havsbrún, keypti 19 partabrøv og eigur nú 172.862 partabrøv, og Annika Frederiksberg, nevndarlimur og søluleiðari, keypti sjey partabrøv og eigur nú 15.469 partabrøv í Bakkafrosti.
Harafturat keyptu onnur starvsfólk 715 partabrøv.
Partabrøvini vórðu seld fyri 339,82 krónur stykkið, sum var prísurin fyri partabrævið í Bakkafrosti, tá keypsskálin í Oslo stongdi mánadagin.
Nýggjastu sendingar í ÚV
Nýggjastu sendingar í SV