Teistin aftur í sigling fríggjadagin

Strandferðslan boðar nú frá, at Teistin røkir aftur siglingina á Sandoyarleiðini frá fríggjadegnum 8. juni klokkan 06.45.

Teistin røkir leiðina við øktum túratali til, Issehoved fer av Hestleiðini aftur tann 20. juni.

Strandferðslan sigur, at bíleggingarskipanin er virkin aftur í morgin, men farmatúrarnir klokkan 8.45 eru ikki knýttir at bíleggingarskipanini.

Frá í morgin til 12. juni røkir Ternan Kalsoyarleiðina. Ternan fer eftir ætlan aftur at røkja Nólsoyarleiðina mikudagin 13. juni.

Meðan Ternan er á Kalsoyarleiðini, ger Sam farmatúrar til útoyggjar, skrivar Strandferðslan.