Issehoved sleppur ikki á Útoyggjastevnu

Strandfaraskip landsins ætlaðu at seta Issehoved í sigling til Svínoyar, nú Útoyggjastevnan verður har um vikuskiftið.

Men svarið frá Sjóvinnustýrið var nei, tí Issehoved hevur ikki loyvi til at sigla á teirri farleiðini, upplýsir Strandferðslan.

Tí verður bara Ritan á Svínoyarleiðini um vikuskiftið. 

Ternan fór í morgun aftur at sigla millum Nólsoynna og Havnina.

Issehoved verður í Føroyum í eina viku afturat og fer at sigla millum Hest og Gomlu rætt hesar dagarnar.

Teistin fer at sigla til Hest aftur, tá Issehoved er farin til Danmarkar aftur.