Ongin avgerð um Hoydalar

Enn er ikki greitt, hvat skal vera í Hoydølum, tá skúlin flytur út á Glasir.

Tað kemur fram í svari frá Rigmor Dam, landsstýriskvinnu, til Annitu á Fríðriksmørk, tingkvinnu.

Mentamálaráðið søkti í fjør eftir uppskotum til, hvat Hoydalar skuldi brúkast til, tá alt virksemið har er flutt í nýggja bygningin hjá Glasi. Freistin var 1. august 2017, og 54 uppskot komu. 

Men enn er onki hent í málinum, men landsstýriskvinnan sigur í svarinum, at hon væntar, at endalig niðurstøða verður tikin um heilt stutta tíð. Helst áðrenn summarfrítíðina.

Landsstýriskvinnan væntar, at valt millum uppskotini, sum eru komin inn í hugskotskappingini, tá støða skal takast til, hvat bygnignarnir í Hoydølum skulu brúkast til.