Rasmus Jarlov nýggjur vinnumálaráðharri

Rasmus Jarlov tekur við eftir Brian Mikkelsen, sum leggur frá sær, tí hann verður stjóri í áhugafelagsskapinum, Dansk Erhverv. 

Brian Mikkelsen hevur drúgvar royndir í politikki. 

Hann hevur umboðað Konservativa flokkin í fólkatinginum í 24 ár, og hann hevur verið ráðharri í tilsamans 12 ár. 

Lars Løkke Rasmussen, forsætisráðharri, fer á middegi í dag at kunna drotningina og presentera nýggju stjórnina.

Nýggi vinnumálaráðharrin, Rasmus Jarlov, varð valdur inn á Fólkating í 2015, og hevur verið framsøgumaður fyri konservativa flokkin í fleiri málum.