Stórur eldur í Onglandi

BBC skrivar, at myndugleikarnir siga, at vandi er fyri, at eldurin ikki verður bastur í fleiri vikur.

100 herfólk frá Royal Regiment of Scotland eru komin á staðið í morgun, og tyrlur skulu brúkast at royna at fáa tamarhald á stóra eldinum.

60 sløkkiliðsfólk hava í alla nátt roynt at bast eldinum, sum fevnir í fleiri ferkilometrar, skrivar BBC.

Eldurin kyknaði sunnudagin, og fyrst varð hildið, at hann var bastur. Men so kyknaði aftur mánadagin, og eldurin hevur breitt seg, nú veðrið hevur verið so turt og hitastigini mong.

Eini hálvtannaðhundrað fólk noyddust í gjárkvøldið at rýma frá húsum í bygdini Carrbrook egna eldin.

BBC hevur videoupptøkur frá eldinum, og tær kunnu síggjast her: