Hjálpartól betra um lívsgóðskuna

Hjálpartól betra um lívsgóðskuna
Fyri fyrstu ferð hevur mann kannað, hvønn týdning hjálpartól hava fyri eldri føroyingar.
 
01.07.2018 - 12:15

 Baðikrakkar, grípitengur, sokkaílatarar og rollatorar.

Hetta eru dømi upp á hjálpartól, sum hava stóran týdning í gerandisdegnum hjá teimum eldru í Føroyum.

Hesi sonevndu einføldu hjálpartólini kunnu gera tað gjørligt hjá eldri menniskjum at gera gerandisaktivitetir, tá kropsligu førleikarnir versna. Og tað hevur stóran týdning fyri tey eldru.

Tað er høvuðsniðurstøðan í eini stórari kanning, sum Turið Jacobsen, ergoterapeutur, hevur gjørt saman við Ergoterapeutfelagnum.

Í kanningini bleiv hugt eftir, hvussu fólk eldri enn 67 ár, sum búgva í egnum heimi, upplivdu, at “einføld” hjálpartól, t.d. baðikrakkar, grípitengur, sokkaílatarir og rollatorar gjørdu tað lættari ella gjørligt at gera ymiskt í gerandisdegnum, sum hevði týdning fyri tey, til dømis at vaska sær, halda hús og keypa inn.

Nógv gransking er gjørd í altjóða høpi um hjálpartólaveiting til eldri menniskju. Afturvendandi úrslitini eru, at tað hevur stóran týdning at taka støði í áskoðanini hjá borgaranum.

Hetta er fyrstu ferð at hjálpartólveiting er kannað í Føroyum út frá áskoðanini hjá eldri hjálpartólabrúkarum.

Til ber at lesa meira um kanningina á heimasíðuni hjá Granskingarráðnum við at trýsta á leinkjuna niðanfyri:

https://www.gransking.fo/fo/tilfeingi/tidindi/hjalpartol-gera-mun/

 

 

Er kopiera
Nýggjastu sendingar í ÚV
Sunnudag 6. apríl
Bolero - Amy Beach
190318
Sunnudag 6. apríl
Guðstænasta í Kvívíkar kirkju
190317
Sunnudag 6. apríl
Møti úr Betesda í Klaksvík.
190316
Nýggjastu sendingar í SV
Sunnudag 6. apríl
Møti úr KFUM & K í Klaksvík
190331
Sunnudag 6. apríl
Andakt
190330
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275