Ljós- og trygdarskipanir fyri 150 milliónir krónur

Ljós- og trygdarskipanir fyri 150 milliónir krónur
Í Eysturoyar- og sandoyartunlum verða myndir støðugt tiknar av koyribreytini, so einki liggur, ið kann tarna ferðsluni.
Mynd: savnsmynd  
 
08.07.2018 - 15:17

Partafelagið Eysturoyar- og sandoyartunlar hevur tikið av einum tilboði um el-arbeiðið, ið skal gerast í báðum undirsjóvartunnlunum.

Tað er norska felagið Roxel, sum saman við El-Service á Skála skal gera arbeiðið fyri 150 milliónir krónur. Tvey tilboð komu inn, og munurin teirra millum var tíggju milliónir krónur.

Ljós skal leggjast í tunlarnar, og har aftrat umfatar arbeiðið tær trygdarskipanir, ið krevjast.

Ljósið gerst sterkari og veikari

Ljósskipanirnar verða gjørdar soleiðis, at ljósið í loftinum lýsir sterkari frammanfyri bilin og viknar aftur aftanfyri - hetta fyri at spara streym.

Haraftrat verða myndir støðugt tiknar av tunnilsbreytini, so um ein bilur missir vøru ella okkurt tílíkt á vegin, dugir myndaskipanin sjálv at boða frá, so tað kann fáast burtur, áðrenn skaði á onnur akfør stendst av óhappinum.

Sáttmáli er eisini undirskrivaður um ta pumpuútgerð, sum tunnlarnir skulu hava. Tvey tilboð komu inn, KJ Hydralik á Kambsdali átti tað lægra, og vil gera arbeiðið fyri tíggju milliónir krónur.

Fyri einum mánað síðani var komið í helvt at bora Eysturoyartunnilin, og herfyri var hátíðarhald í Traðardali á Sandi, har fyrsta skotið var latið av fyri Sandoyartunnlinum.

Er kopiera
Nýggjastu sendingar í ÚV
Fríggjadag 18. juli
RagnarRokk: Erica Stoltz um Heat Lightning
194126
Fríggjadag 18. juli
Morgunlestur fríggjadagur 18.juli 2025
194089
Hósdag 17. juli
Morgunlestur hósdagur 17.juli 2025
194088
Mikudag 16. juli
Vit nerta við vaksin og skermar
194561
Nýggjastu sendingar í SV
Hósdag 17. juli
Lívia Mattos í løtuni á G!
194633
Hósdag 17. juli
Benjamin Rajani & Jónas Gaard á G!
194619
Mikudag 16. juli
3-2
194579
Mikudag 16. juli
Dagur og vika - teknmálstulkað
194550
Týsdag 15. juli
Veðrið
194514