Gíslarænari handtikin

Tað upplýsir amerikanska løgreglan sambært TV 2. 

Eric Garcetti, sum er borgarstjóri í Los Angeles, upplýsir sambært tíðindastovuni AP, at ein kvinna varð dripin í sølumiðstøðini í gjár. Eisini sigur hann, at ein maðurin er særdur. 

18 sjúkrabilar vóru sendir á staðið og 100 sløkkiliðfólk og løgreglufólk. 

Tað byrjaði í gjár klokkan 13.30 lokala tíð, tá maðurin fyrst skal hava skotið ommu sína og unnu sína, sum búðu í syðra parti av Los Angeles. Eftir hetta flýddi hann avstað í bili við løgregluni í hølunum á sær.

Hann fór síðani inn í sølumiðstøðina, har hann tók nøkur viðskiftafólk til gísla. Løgreglan, sum elti hann, kringsetti bygningin, og maðurin varð síðani handtikin.