Sjúrðarberg seldur fyri 41 milliónir

Trolarin Sjúrðarberg hjá JFK reiðarínum er seldur til Russlands, og manningin er uppsøgd. Tað veit Norðlýsið. 

Hanus Hansen, reiðari, sigur, at orsøkin til, at Sjúrðarberg er seldur, er, at minni verður at fiska í framtíðini.

- Við nýggju fiskivinnulóggávuni er ikki møguligt longur hjá okkum at hava tvey skip í Barentshavinum, sigur hann við Norðlýsið. 

- Sum støðan er vorðin í vinnuni, hava vit hava ongar aðrar ætlanir og kunnu bara staðfesta, at vinnulóggávan forðar fyri at virksemið hjá JFK kann vaksa og mennast, sigur reiðarin í JFK, Hanus Hansen.