Kunnu keypa meira tollfrítt øl og vín

Nú ber til at hava við sær meira øl og vín í staðin fyri brennivín, tá fólk ferðast til Føroya.

Kristina Háfoss, landsstýriskvinna, hevur broytt kunngerðina um, hvat ferðandi kunnu flyta inn tollfrítt og avgjaldsfrítt til Føroya.

Nú kunnu fólk í staðin fyri tað, sum longu er galdandi, hava við sær "tíggju litrar av øli ella cider" ella "2,25 litrar av heitvíni og tveir litrar av øli ella cider" ella "4,5 litrar av borðvíni og tveir litrar av øli ella cider".

Hetta ber til, um fólk ikki hava við sær rúsdrekka, tað er løg, sum er sterkari enn 22 prosent.

Markið millum heitvín og rúsdrekka er 22 % í kunngerðini um tollfríar vørur.