Skógareldar í Grikkalandi ásettir

Tað hevur verið hildið, at ógvusligu skógareldarnir í Grikkalandi, ikki eru kyknaðir orsakað av ógvusligu hitabylgjuni, sum herjar nógvastaðni, men at eldurin er ásettur. 

Nú sigur grikska stjórnin, sambært AP og Reuters, at tað er alt meira, sum bendir á tað. 

Loftmyndir, sum eru tiknar av økinum, og kanningar vísa, at tveir eldar byrjaðu í einum øki eystanfyri Athen mánadagin, og at eldur kom í báðum støðum næstan samstundis.

Talið á teimum deyðu í stóra eldinum var í gjár komið upp á 83.

Grikska stjórnin hevur verið fyri nógvum atfinningum fyri ikki at hava handla nóg skjótt og at verða ov sein við hjálpini, tá eldurin kyknaði, og at nógvir av skaðunum kundi verið fyribyrgdir, um hjálpin kom fyrr.

Týsdagin lýsti forsætisráðharrin í Grikkalandi, Alexis Tsipras, landasorg í tríggjar dagar, sigur AFP tíðindastovan.

Sagt verður, at hetta helst er deyðiligasti eldur síðani 2007.

Trý sjúkrahús eru sett í tilbúgving til at taka ímóti fólki. 600 sløkkiliðsfólk og 300 bilar royna at basa eldunum.

Fleiri fólk eru saknað millum annað nógv ferðafólk.