- Nógvir fordómar móti grønlendingum

Mari í Løðuni er uppvaksin í Grønlandi, men flutti til Føroya fyri 14 árum síðani. Hon sær grønlendsk út, og hetta hevur eisini við sær, at summi fólk gera sær eina mynd av henni, áðrenn tey kenna hana.

- Ná, kunnu grønlendingar eisini tað? Siga fólk vanliga, tá eg greiði frá, at eg eri fólkaskúlalærari. Summi fólk seta ofta grønlendingar í samband við at vera drankarar.

Sí eisini: Grønland skal ikki loysa enn

- Grønlendska samfelagið hevur trupulleikar, men Grønland hevur eisini so nógvar aðrar síður. Tær góðu søgurnar mangla at verða fortaldar, heldur Mari í Løðuni, sum er uppvaksin í Grønlandi.

Rembingartíð í Grønlandi

Mari greiðir frá, at sjálvsmyndin hjá grønlendingum er ikki góð - orsakað av, at teir frá gamlari tíð eru blivnir illa viðfarnir.

- Um ein nýggj fyritøka verður sett á stovn, so er hugburðurin tann, at um ein dani ikki er við, so fer tað ikki at ganga. 

Tó vísir Mari á, at tað eru rembingartíðir í Grønlandi. Nýggja ættarliðið tekur í størri mun útbúgving, enn grønlendingar áður hava gjørt.

Summartímin mánadagin 30. juli