Grundlógaravhoyring um harðskap í Klaksvík

Klokkan 18.00 í dag verður grundlógaravhoyring í Føroya rætti um ein tilburð í Klaksvík um midnáttarleitið.

Ein útlendingur er skuldsettur fyri harðskap, og ákæruvaldið fer at krevja varðhaldsfongsling, so maðurin ikki fer av landinum, áðrenn rætturin viðger mál hansara endaliga. 

Útlendingurin er skuldsettur fyri at geva einum manni úr Klaksvík nevan, so hann breyt nøsina, og hann skal eisini hava sparkað mannnin fýra ferðir, meðan hann lá.

Hetta hendir í einari kiosk í Klaksvik.

Tveir menn á einum russiskum skipi vóru farnir í býin í Klaksvík í gjárkvøldið.

Endaði við harðskapi

Tann túrurin endaði bráddliga í einari kiosk. 

Maðurin, sum nú er skuldsettur fyri harðskap, varð tikin og lagdur í brummuna at sova rúsin av sær.

Hin útlendingurin varð koyrdur um borð aftur á skipið.

Hann skal geva vitnisfrágreiðing í grundlógaravhoyringini í kvøld, tí hann er í Føroyum nú.

Sum skilst verða øll onnur avhoyrd seinni.