Úrslitaleysur toppfundur

Á hálva fjórða tíma drúgva fundinum umrøddu Vladimir Putin og Angela Merkel støðuna í Ukraina, Sýria og stóru gassleiðingina Nord Stream 2.

USA roynir í sínum lagi at leggja trýst á Týskland fyri at steðga russisku ætlanini um gassleiðingina, sum skal røkka heilt til Vestur-evropa. Leiðingin vil, sambært USA, gera Týskland meira tengt at Russlandi.

Men hetta er ein handilslig, og ikki politisk, ætlan, siga bæði Russland og Týskland.

Ikki ráð til flóttafólka-kreppu

Um støðuna í Sýria segði Putin eftir toppfundin, at alt má gerast fyri at sýrisku flóttafólkini kunnu sleppa heimaftur. 

- Evropa hevur ikki ráð til enn eina flóttafólka-kreppu, ljóðar ávaringin frá russiska forsetanum.

Vladimir Putin minnir á, at ein millión flóttar eru í Jordan og ein millión flóttar eru í Libanon. Og harumframt eru tríggjar milliónir flóttar í Turkalandi.

- Tað kann gerast ein stór byrða fyri Evropa. So tí er neyðugt at gera alt fyri at hesi fólk kunnu venda heimaftur, sigur Putin.

Spent viðurskifti

Viðurskiftini millum Russland og Týskland hava verið spent síðani Rusland í 2014 tók valdi á Krim-nesinum.

Toppfundurin á slottinum Meseberg, uttanfyri Berlin, í gjár verður mettur sum ein roynd at bøta um viðurskiftini.