Trump fer ikki at fylgja McCain til gravar

Amerikanski senatorinum og fyrrverandi forsetavalevni, John McCain, doyði leygardagin, 81 ára gamal.

Eitt av seinastu ynskjunum hjá amerikanska senatorinum var, at Donald Trump, forseti, ikki skuldi fylgja sær til gravar. Tað ynskið tykist amerikanski forsetin at virða.

Funnist hevur verið at Trump, tí hann var óvanliga fáorðaður, tá deyðsboðini av McCain komu.

McCain og Trump sótu illa um sátt.

Hvítu húsini vundu flaggið í hálva stong leygardagin, tá deyðsboðini bórust, men í gjár veittraði tað aftur í fullari stong.

Ein talsmaður fyri ein av størstu krígsveteran-felagsskapunum í USA sigur, at Hvítu húsini hava ikki virðing fyri McCain, sum í mong ár var hermaður, tí flaggið var ikki hálvari stong eitt sekund longur enn neyðugt, hóast siðvenja er, at flaggað verður í hálvari stong, til jarðarferðin er av.

Eftir øllum at døma hevur Trump tikið hesar atfinningarnar til eftirtektar, tí hann hevur nú givið boð um at flagga í hálvari stong, til McCain er farin til garvar.

Starvsfólkaovastin í Hvítu húsunum, John Kelly, James Mattis, verjumálaráðharri, og John Bolton, trygdarráðgevi, fara at fylgja John McCain til gravar, og teir umboða amerikansku stjórnina.