Seks nýggj grundstykki í Saksun

Heðin Zachariasen, borgarstjóri í Sunda kommunu, sigur, at áhugi er at byggja í Saksun, og kommunan hevur fingið umsókn um at byggja sethús.  

Samtykt er at játta 450-túsund krónur til verkætlanina í ár. Peningurin skal brúkast til at keypa lendi frá øðrum bóndanum í Saksun og til at gera veg. Restin verður gjørt næsta ár - tvs. kant-steinar, asfaltering og annað.

Arbeiðið at útstykkja verður boðið út ein av fyrstu døgunum, - tá øll formlig loyvi eru komin, sigur Heðin Zachariasen, borgarstjóri í Sunda kommunu.