Til ber at fylgja hvalunum

Fylgisveinasendarar vórðu festir á fýra hvalir í eini lítlari grind á 15 hval, ið var funnin norður úr Vágoynni og rikin inn á sandin í Bø.

Hetta er sættu ferð síðan fyrsta grindin var merkt í 2000, at fylgisveinasendarar eru festir á grindahval.

Endamálið er at kanna ferðing og útbreiðslu hjá grind, ið kemur fram við Føroyum og at vita, hvussu stórt útbreiðsluøkið er, sigur Náttúrugripasavnið.

Sendarnir á hvalunum er aktivir frá klokkan 7 á morgni til klokkan 11 fyrrapart. Hetta fyri at spara battaríð, so til ber at fylgja hvalinum longri.

Fyrstu tíðina verður kunnað dagliga; og sum frá líður verður ferðingin dagførd eina ferð um vikuna, stendur á heimasíðuni hjá Tjóðsavninum.

Hoyr samrøðuna við Bjarna Mikkelsen, lívfrøðing og hvalagranskara á Náttúrugripasavninum.