Ljós í Sumbiartunlinum

Í fjør skrivaði Landsverk og El Service undir sáttmála um at fáa gjørt eina trygdarskipan í Sumbiartunlinum. Tað skrivar Landsverk á heimasíðuni.

Í dag vórðu ljósini í Sumbiartunlinum tendrað, og nú lýsa triðja hvørt ljós í tunlinum. Hetta er partur av ferðslutrygdararbeiðinum hjá Landsverki, har endamálið er at tryggja allar føroysku tunlarnar.

Eisini skulu trygdarskáp, eldsløkkjarar, telefonir og vakmyndatól setast upp inni í tunlinum og teknikkhús og bummar uttanfyri.

Trygdararbeiðið verður gjørt í stigum yvir nøkur ár, og sambært Landsverki er tíðarætlanin treytað av játtan til uppgávuna.

Samlaði kostnaðurin er umleið 10,5 milliónir krónur.

sumbiartunnilin.jpg

Caption: 

Nýggja teknikkhúsi uttanfyri Sumbiartunnilin. Mynd: Landsverk

Sumbiartunnilin varð tikin í nýtslu í 1997 og er við sínum 3.240 metrum longsti landtunnil í Føroyum.