Tríkiljan í løgtingið

Jacob Vestergaard í Fólkaflokkinum tekur undir við at byggja ella keypa skip, men heldur tó ikki, at verandi uppskot er loysnin.

Hann mælir til at útvega Strandfaraskipum landsins skip, sum umframt ferðafólk, tekur 10 til 15 bilar og kann brúkast til útoyggjasigling. 

Báturin, ætlanin er at byggja, tekur tríggjar persónbilar ella ein tungan bil. 

Og ein tríkilja er ikki egnað til farleiðina til Fugloyar, sigur Fugloyar kommuna í hoyringarsvari.

Løgtingið fer at atkvøða um tríkiljuna í dag.