Flogbóltur: Føroyar millum tey bestu

Flogbóltur: Føroyar millum tey bestu
U17 landsliðini hjá Føroyum eru komin í hálvfinaluna og fjórðingsfinaluna í norðurevropeiskari kapping
 
16.10.2018 - 17:56

Bæði U17 landsliðini hjá Føroyum í flogbólti hava higartil klárað seg væl í norðurevropeisku kappingini, Nevza, sum verður hildin í Ikast í Danmark.

Fyri løtu síðan spældi U17-gentulandsliðið avgerandi dyst móti Onglandi, um at koma víðari í fjórðingsfinaluna. Føroyar vunnu 3-1, og fara tí víðari.

Undan dystinum móti Onglandi høvdu Føroyar fyrst tapt 0-3 fyri Finnlandi, men í morgun vunnu tær 3-0 á Svøríki.

U17 genturnar møta Íslandi í fjórðingsfinaluni.

Føroyska U17-dreingjalandsliðið í flogbólti tryggjaði sær sítt pláss í hálvfinaluni, tá teir fyrr í dag vunnu greiðan 3-0 sigur á Onglandi.

Í gjár vunnu Føroyar 3-0 á Svøríki, og tí fer føroyska liðið víðari í hálvfinaluna, sum oddalið í bólkinum.

Enn er ikki greitt, hvørjum dreingirnir møta,tí fyrst skulu aðrir dystir avgreiðast

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214