Nordea undir illgruna fyri at hvítta pening

Svenska bakmanspolitiið hevur fingið skjøl, sum geva ábendingar um hvíttan av pengum í Nordea.

Tað váttar svenska bakmanspolitiið fyri TT-tíðindastovuni.

Tað er íløgufelagið, Hermitage Capital, við vinnulívsmanninum William Bowder á odda, sum hevur sent fráboðanina til svensku myndugleikarnar. Tað vóru júst Hermitage Capital og Bowder, sum í síni tíð meldaðu Danske Bank til danska bakmanspolitiið fyri peningahvíttan.

Svenska bakmanspolitiið fekk skjølini í síðstu viku. Enn er tó ongin formlig kanning sett í verk.