Handilskríggið kann kosta nógv

Handilskríggið kann kosta nógv
Handilskríggið kann hava við sær, at fleiri milliónir fólk missa arbeiðið, sigur heimshandilsfelagskapurin, WTO.
Forsetin í Kina, Xi Jinping, og amerikanski forsetin, Donald Trump, hava áhaldandi lagt toll á vørur hjá hvørjum øðrum seinasta árið.
 
18.10.2018 - 09:29

Fer handilskríggið kring heimin at halda fram, so kann úrslitið vera, at milliónir av fólkum fara at missa starvið. Tað eru greiðu boðini frá heimshandilsfelagskapinum, WTO.

Stjórin í handilsfelagskapinum, Roberto Azevedo, sigur, at gongdin fer at hava við sær, at fólk og fyritøkur mugu laga seg til nýggju avbjóðingina, og at tað fer at taka tíð. Tí er vandi fyri, at milliónir av fólkum fara at missa arbeiðið.

Handilsósemjur eru fleiri staðni í heiminum, og ringasta stríðið er ímillum USA og Kina, sum meginpartin av hesum árinum hava lagt toll og avgjøld á vørur hjá hvørjum øðrum.

Amerikanski forsetin, Donald Trump, er sera ónøgdur við, at USA hevur stórt hall í handlinum við Kina. Í fjør seldi USA vørur til Kina fyri 130 milliardir dollarar, samstundis sum Kina seldi USA vørur fyri 505 milliardir dollarar. Tí hevur Trump í ár lagt toll og avgjøld á kinesiskar vørur fyri 250 milliardir dollarar.

Amerikanski forsetin hevur eisini hótt Evropa, og líkt er ikki til, at handilskríggið hæsar av í bræði, sigur stjórin í heimshandilsfelagskapinum, Roberto Azevedo.

Hann mælir til samráðingar fyri at finna eina loysn á handilskrígnum.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470