Bjóða nú grundstykkið á Skarðshjalla út

Tórshavnar kommuna noyðist at bjóða út alment stykkið, sum kommunan annars ætlaði at selja biogassverkinum, sum partafelagið Salmon Protein ætlar at byggja á Skarðshjalla.

12.000 fermetrar verða seldir fyri minstaprísin 675 krónur fyri fermeturin.  

Reglan er, at øll kommunal ogn størri enn 300 fermetrar skal bjóðast út, skal hon seljast. 

Men Tórshavnar kommuna ætlaði í hesum førinum at fáa undantak frá hesari regluni.

Men tað vildi Innlendismálaráðið, sum umsitur kommunumál í landsstýrinum, ikki.