- Tíðindi, mentan og ítróttur
Hvassa átalu til Klaksvíkar kommunu
![](https://kvf.fo/sites/default/files/styles/grein-ovasta-mynd/public/9662d34eb060a3040be8c5dc9d48669f.png?itok=p2NUwtA1)
Tá Kringvarp Føroya klagaði kommununa til umboðsmannin, vóru nærum 2 mánaðir lidnir, síðani biðið var um innlit.
Kringvarpið hevði mint Klaksvíkar kommunu á málið, men hvørki móttøkuváttan ella svar upp á áminningina kom.
Eftir at klagað varð til umboðsmannin, gingu 3 mánaðir afturat, áðrenn kommunan svaraði innlitsumbønini.
Tá hevði umboðsmaðurin sent kommununi tríggjar áminningar.
Umboðsmaðurin gevur Klaksvíkar kommunu eina álsvarsama átalu fyri, at tað tók henni næstan 5 mánaðir at svara eini innlitsumbøn, og fyri at kommunan í hesum tíðarskeiði hvørki svaraði áminningini frá umsøkjaranum ella kunnaði um, nær svar kundi væntast.
Umboðsmaðurin heldur tað eisini vera átaluvert, at Klaksvikar kommuna ikki gav Umboðsmanninum frágreiðing um málið, fyrr enn kommunan hevði fingið tríggjar áminningar.