Semingin heldur fram í morgin

Seinnapartin í morgin skal semingsstovnurin aftur á fund við Ljósmøðrafelagið og Lønardeildina hjá Fíggjarmálaráðum.

Tað sigur Terje Sigurðsson, semingsmaður.

Semingsstovnurin fór á fund við partarnar klokkan 10 fyrrapartin, men nú eru ljósmøðurnar og lønardeildin farin at hyggja nærri at onkrum smálutum, og avtalað er, at semingsstovnurin hittir partarnar aftur seinnapartin í morgin.

Fyrrapartin í morgin fer Semingsstovnurin undir semingsroynd millum Skipara- og Navigatørfelagið og lønardeildina hjá Fíggjarmálaráðnum. 

Tann fundurin byrjar klokkan 10, sigur Terje Sigurðsson, semingsmaður.