LGBT vil hava virðiliga viðgerð

LBGT tekur undir við lógaruppskotinum um løgfrøðiligt kynsskifti. Og tey heita á Føroya løgting um at gera tað sama.

Hesum boðar felagsskapurin frá í skrivi sent miðlunum, nú lógaruppskot um at loyva løgfrøðiligum kynsskifti er til fyrstu viðgerð í løgtinginum í dag.

Ynskja virðiliga viðgerð

Samstundis kemur felagsskapurin LGBT eisini við eini áheitan um at málið um løgfrøðiligt kynsskifti verður viðgjørt hóvliga og virðiliga.

- LGBT Føroyar heitir á allar tinglimir um at vísa hógv og virðing fyri teimum menniskjum, sum lógaruppskotið rakar og teirra avvarandi undir viðgerðini av málinum, sigur nevndin í LGBT.

Løgtingsfundur verður klokkan 11 og 1. viðgerð av uppskotinum um løgfrøðiligt kynsskifti er næsta punkt á skránni.