Dania Tausen á pall við bólki um vikuskiftið

Unga sangarinnan Dania Tausen fer á pall í Løkshøll sunnukvøldið kl. 20. Tónleikaskráin verður jazzur - tað verður nevniliga jazzcafé - og við sær hevur Dania tríggjar royndar tónleikarar, Rógva á Rógvu, Arnold Ludvig og Paula Reinert Poulsen. Síðstnevndi vitjar í útvarpsstovuni saman við Daniu, har tey spæla og syngja ein sang, sum verður at hoyra til konsertina sunnudagin í Løkshøll. Dania sigur, at áhugan fyri jazzi fekk hon, tá hon skrivaði høvuðsuppgávu í tónleiki í studentarskúlanum á Kambsdali. Eisini hevur hon sungið við Tórshavnar Bigbandi, tá orkestrið undir leiðslu av Sigurði Flósasyni spældi m.a. í Løkshøll við Ellu Fitzgerald sum tema fyrr í ár. Nú roynir hon seg so við egnum bólki. Hoyr innslagið her