Eik-sakarmálið byrjar aftur

Tað er Fíggjarligt støðufesti, sum fyri fimm árum síðani stevndi fimm monnum og einum grannskoðarafelag eftir 150 milliónum krónum í endurgjaldi. 

Steðgur hevur verið í sakarmálinum, tí bíðað hevur verið eftir sakarmálinum um Eik banka í Danmark.

Har fall dómur herfyri, og teir sum sakarmálið varð reist ímóti, skulu rinda eitt endurgjald, sum er góðar 28 milliónir krónur. Kravið var 250 milliónir krónur.

Eftir dómin í Danmark segði stjórin í Fíggjarligum støðufesti, Henrik Bjerre-Nielsen, at eftirlitið umhugsar, um tey skulu royna at kæra dómin til Hægsta rætt. Tað skal gerast í seinasta lagi 23. november.

Málið úm Eik banka í Føroyum byrjar aftur mánadagin, og tríggir dagar í næstu viku eru settir av til viðgerðina í rættinum.