Sam seinkaður eina viku

Tað dregur út at umvæla Sam, sum stendur á sleipistøð í Havn, og hann fer tí ikki sigling aftur fyrr enn leygarmorgunin 24. november. 

Ætlanin var, at hann skuldi fara í sigling aftur nú, men av tí at eykalutirnir, sum tørvur er á, mugu serframleiðast, verður Sam ikki liðugt umvældur fyrr enn um eina viku.

Hann fer so aftur í sigling á Kalsoyarleiðini leygarmorgunin 24. november, sigur Strandferðslan á heimasíðuni.

Jósup røkir siglingina, til Sam verður tøkur aftur.

Ternan ger farmatúr í Kalsoynna í dag, mánadagin 19. november og fríggjadagin 23. november, og tá røkir Jósup Nólsoyarleiðina.