Landsrætturin skal viðgera skúlabarnakoyring

Sandoyar skúlasamband hevur kært dómin í Føroyarætti um at skula gjalda Strandferðsluni meira enn eina millión krónur fyri at hava sagt sáttmálan um skúlakoyring upp í ótíð.

Strandferðslan hevði stevnt og fekk fult viðhald.

Sandoyar skúlasamband er dømt at gjalda Strandfaraskipum meira enn eina millión, umframt meirvirðisgjald og rentu frá juni 2016.

Sandoyar skúlasamband skal eisini rinda Strandfaraskipum landsins góðar 114.000 kr. í sakarkostnaði.

Skúlasambandið segði upp

Orsøkin til sakarmálið er, at Skúlasambandið segði sáttmálan um skúlabarnakoyring í Sandoynni upp í ótið, tí, sum Skúlasambandið heldur uppá, Strandfaraskip hildu ikki sáttmálan.

Strandfaraskip landsins stevndu eftir gjaldi fyri fimm mánaðir í skúlaárinum 2014/2015 og fyri skúlaárini 2015/2016 og 2016/2017.

Og Føroyar rættur gav Strandfaraskip landsins.

Men nú er tann dómurin skotin inn fyri Landsrættin.