Semingsstovnurin á fund við partarnar

Klokkan 10 fer Semingsstovnurin á fund við Ljósmøðrafelagið og Lønardeildina fyri at vita, um partarnir eru komnir nærri hvør øðrum.

"Vit hava haft samband við partarnar javnan, og vit halda nú, at verkfallið hevur vart so mikið longi, at vit ætla at seta partanar niður fyri hvør og øðrum og tosa um tingini, at vita, um ikki grundarlag er fyri at koma víðari og finna eina loysn," segði Terje Sigurðsson, semingsmaður, við útvarpið í gjár.

Verkfallið hjá Ljósmøðrunum hevur nú vart í 13 dagar.