- Tíðindi, mentan og ítróttur
Koyrikortið kann missa gildið uttanlands
Koyrikortið kann missa gildið uttanlands
Heldur føroyska koyrikortið ikki útlendskar reglur, kann tað heldur ikki brúkast uttanlands
Landið krevur, at Akstovan hevur vinning. Nú verður mælt til at strika avlopskravið.
29.11.2018 - 10:36
Føroyska koyrikortið er komið í vanda, hevur Fíggjarnevndin fingið at vita frá landsstýrismanninum í samferðslumálum, Heðini Mortensen.
Hann mælir til at strika avlopskravið hjá Akstovuni, sum sambært fíggjarlógaruppskotinum fyri 2019 er 568.000 kr.
Fíggjarnevndin hevur fingið at vita, at Akstovan hevur í fleiri ár arbeitt við at gera nýtt koyrikort, sum lýkur galdandi altjóða trygdarkrøv til koyrikort.
Hesi krøv eru ásett í ES reglugerð.
Verða hesi krøv ikki fylgd, kann føroyska koyrikortið ikki varðveita sítt gildi til altjóða nýtslu.
Men pengar hava ikki verið til hetta arbeiðið síðani 2016, tá Fíggjarmálaráðið hækkaði avlopskravið til Akstovuna.
Mælt verður tí til at strika avlopskravið.
Er kopiera
Nýggjastu sendingar í ÚV
Nýggjastu sendingar í SV
