SEV: Streymprísurin skal hækka

Nevndin í SEV fer at skjóta upp fyri eykaaðalfundinum í dag, at el-prísurin hækkar 10 oyru kilowatttíman í 2019.

SEV hevur fingið góðkenning frá elveitingareftirlitinum at hækka prísin, upplýsir John Zachariassen, nevndarformaður í SEV.

Orsøkin til príshækkingina er stóra útbyggingin hjá SEV, samstundis sum eftirspurningurin eftir streymi er nógv vaksin.

Hjá einum vanligum húsarhaldi, sum brúkar einar 6.000 kilowatttímar um árið, hækkar streymprísurin 80 krónur um mánaðin. 

SEV-prísurin er lækkaður tilsamans 10 oyru seinastu tvey árini, men nú skjýtur nevndin upp at hækka hann 10 oyru næsta ár.