Rigmor Dam: Eg visti einki um meirnýtsluna

Rigmor Dam, landsstýriskvinna í mentamálum, ætlar ikki at geva skarvin yvir, hóast tað vísir seg, at meiriluti er í tinginum fyri einum misáliti á seg í málinum um skúlabyggingina í Marknagili.

Tað gjørdi hon greitt í sjónvarpinum í kvøld.

Kemur tað so langt, skal tingið sleppa at atkvøða um eitt misálit, segði landsstýriskvinnan.

Rigmor Dam sigur, at hóast regluligar fundir við Landsverk, visti hon einki um meirnýtsluna.

Andstøðan sigur, at tekur landsstýrið ikki politiska ábyrgd av meirnýtsluni, umhugsar hon at leggja fram misálit á landsstýriskvinnuna í mentamálum.

Men andstøðan ger einki, fyrr enn hon hevur meiriluta fyri misálitinum.