Fyribils fíggjarlóg góðkend

Fyribils fíggjarlóg góðkend
Umboðsmannatingið samtykti fyribils fíggjarætlanina í nátt, 239 atkvøddu fyri og 192 atkvøddu ímóti.
 
04.01.2019 - 09:37

Fyribils fíggjarætlanin í USA kann nú virka til 8. februar. Men forsetin fekk ikki pengar til ætlaða múrin til Mexico.

Umboðsmannatingið samtykti fyribils fíggjarætlanina í nátt, 239 atkvøddu fyri og 192 atkvøddu ímóti.

Í uppskotinum er kortini ein játtan uppá 1,3 milliardir dollarar til hegn ímillum USA og Mexico og 300 milliónir dollarar til aðra útgerð, sum upptøkutól og annað.

Ein annar partur av fyribils fíggjarætlanini er um játtan til fleiri ráð. Tann játtanin verður galdandi til 1. september, tá fíggjarárið endar.

Samtyktin hevur við sær, at USA aftur kann virka sum vant, eftir at lítið virksemi hevur verið í almenna sektorinum seinastu tvær vikurnar.

Roknað verður kortini við, at Donald Trump, forseti, fer at nýta vetorættin ímóti uppskotinum, eins og hann hevur gjørt fyrr.

Hann hevur boðað frá, at hann fer at nokta at skriva undir, so leingi sum eingir pengar verða játtaðir til ætlaða múrin til Mexico.

Donald Trump, forseti, hevur sett sær fyri at forða fremmandum at koma til USA, men demokratarnir hava boðað frá, at teir ikki vilja nýta milliardir av dollarum til tað.

Uppskotið skal bæði avgreiðast í senatinum og av forsetanum, áðrenn tað kemur í gildi, og tað verður mett sum ivasamt.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF