Ikki í tingbólki men formaður í tingnevnd

Ikki í tingbólki men formaður í tingnevnd
Forkvinnurnar í tingbólkunum hjá samgonguni fara at tosa saman um nevndarval, nú Kristin Michelsen er koyrdur úr tingbólkinum hjá Javnaðarflokkurin
Løgtingið skal kanska velja allar nevndirnar umaftur.
 
04.01.2019 - 12:42

Forkvinnurnar í tingbólkunum hjá samgonguni fara at tosa saman um møguligt nevndarval, nú Kristin Michelsen er koyrdur úr tingbólkinum hjá Javnaðarflokkinum.

Kristin Michelsen fekk tveir nevndarsessir eftir valið í 2015. Hann er í Fíggjarnevndini, og hann er formaður í Rættarnevndini.

Hann bleiv valdur í teir sessirnar sum limur í tingbólkinum hjá Javnaðarflokkinum. 

Tá vóru 20 fólk í valbólkinum hjá samgonguni, tí Nýtt sjálvstýri, sum flokkurin kallaðist tá, var við, og Annika Olsen var ikki farin úr í Framsókn.

Nú eru 15 fólk eftir í samgonguni, men nú hevur Tjóðveldi sjey tinglimir og Javnaðarflokkurin, sum byrjaði við átta, hevur nú seks.

Á valinum 1.september í 2015 fekk Javnaðarflokkurin 8.093 atkvøður, og hann er framvegis størri enn Tjóðveldi, eftir at Sonja Jógvansdóttur við sínum 1.021 atkvøðum og Kristin Michelsen við 302 eru farin úr samgonguni.

Javnaðarflokkurin fer tá niður í 6.770 atkvøður. Tjóðveldi fekk 6.691 atkvøður á løgtingsvalinum í 2015.

Landsstýrið

Nú Tjóðveldi hevur fleiri tingfólk enn Javnaðarflokkurin, er tosið aftur kyknað um landsstýrið og sessirnar har.

Javnaðarflokkurin hevur umframt løgmann trý landsstýrisfólk. Tjóðveldi hevur trý landsstýrisfólk.

Tá Henrik Old fór frá sum landsstýrismaður, ljóðaði, at Tjóðveldi vildi hava landsstýrisfólkið í samferðslumálum, men tað gjørdist ein javnaðarmaður.

Telvingin um teir 45 nevndarsessirnar verður torfør, tí tað veldst um, hvussu stórir valbólkarnir eru, hvussu nógvar nevndarsessir, teir fáa. 

Tingfundur verður neyvan í januar. 

Er kopiera
Nýggjastu sendingar í ÚV
Sunnudag 24. november
Bolero - 24. november 2024
184087
Sunnudag 24. november
Guðstænasta úr Vesturkirkjuni
184085
Leygardag 23. november
Jambalaja - 231124
184069
Leygardag 23. november
Vikan 23. november 2024
184060
Nýggjastu sendingar í SV
Sunnudag 24. november
Stórmøti hjá Heimamissióni
184095
Fríggjadag 22. november
Dagur og vika - teknmálstulkað
184015
Fríggjadag 22. november
Veðrið
184049
Hósdag 21. november
Fólksins rødd 4:4
183995
Hósdag 21. november
Andaktin
183982