Emil Olsen gevst sum sóknarprestur

Tvær umsóknir eru til prestastarvið í Eiðis prestagjaldi. Freistin at søkja, var úti í gjár.

Nýggjur prestur skal setast í starv, tí Emil Olsen, sum hevur verið sóknarprestur seinastu 35 árini, hevur valt at fara frá, stendur á heimasíðuni hjá fólkakirkjuni.

Kirkjuráðini fara at taka støðu til umsóknirnar í næstum.

Emil Olsen fer frá seinast í juni, og ætlanin er at nýggi presturin tekur við starvinum frá 1. juli. '

Tá Emil Olsen er farin úr starvinum, fer hann at virka sum stiftsprestur. Hann verður knýttur at biskupinum og honum til tænastu, stendur á heimasíðuni.