Uppboðssøla at veiða á Flemish Cap verður í januar

Uppboðssølan av rættindum at fiska á Flemish Cap línu verður 31. januar. Fiskaskt skal við línu.

Tað sæst á heimasíðuni hjá Fiskimálaráðnum.

Talan er um 1.276 tons av toski, sum verða boðin út sum eitt ára rættindi. 

Persónur ella felag, sum í 2019 hevur rætt til fiskiloyvi í bólki 3 sambært løgtingslógini, kann lata boð inn. 

Uppboðssølan verður skipað sum opin uppboðssøla. Avgerðin er grundað á viðmerkingarnar frá Fiskivinnuráðnum, ið mælti til, at uppboðssølan skal vera opin.

Avgjørt er, at uppboðssølan verður hildin hósdagin 31. januar 2019, kl. 13.00.

Meira sæst á heimasíðuni hjá Fiskimálaráðnum, sum er fisk.fo