Siglir tómur annan hvønn túr um Hestfjørð

Siglingin byrjaði 14. januar eftir boðum frá Heðini Mortensen, landsstýrismanni.

Í innliti, sum Útvarpið fekk í gjár, sæst, at Jósup hevur flutt 144 ferðafólk um Hestfjørð frá 14. januar til sunnudagin.

Miðalferðafólkatalið er knappliga 1,3 ferðafólk fyri ferðina, ella 1,263158 sum hagtølini hjá Strandafaraskipum landsins siga.

Jósup sigldi 114 ferðir hesa tíðina, 53 ferðir vóru eingi ferðafólk við. Tá flestu ferðafólkini vóru við, vóru tey 15 í tali. Tað var úr Hesti.

Í januar flutti Teistin 271 ferðafólk og 13 akfør um Hestfjørð.