Nýtt uppskot: Hetta skal verða lættari

Handilsvinnufelagið er klárt við uppskoti til nýggja avreiðingarskipan til tómar fløskur, so at brúkarar sleppa undan at fara fleiri støð fyri at sleppa av við tær.

Nú skal Sirið Stenberg, landsstyriskvinna í umhvørvismálum, taka støðu til um og nær nýggja skipanin skal setast í gildi.

Í uppskotinum hjá Handilsvinnufelagnum stendur, at umframt at gera tað lættari fyri brúkaran at sleppa av við sínar fløskur, er hetta eisini liður í at verja umhvørvið, tí sølan av eingangsíløtum er vaksandi í Føroyum, og tað er ikki gott fyri umhvørvið.

Heilsu- og innlendismálaráðið sigur, at arbeiðssetningur er gjørdur, sum tekur útgangstøði í uppskotinum um nýggja pantskipan hjá Handilsvinnufelagnum. Nevnd skal setast at gera tilmæli til landsstýriskvinnuna.