Dømdur fyri harðskap og fekk innferðarforboð

Morgunblaðið visti at siga fyri slakari viku síðani, at ein íslendskur løgreglumaður fekk 50 daga treytaða fongsulsrevsing í Føroyum. 

Maðurin varð dømdur fyri harðskap móti einum øðrum manni, sum eisini er úr Íslandi og var í Føroyum og ferðaðist saman við løgreglumanninum.

Dømdi maðurin fekk eisini forboð fyri at koma til Føroya í trý ár.

Maðurin tók við dóminum hjá Føroya rætti, skrivar Morgunblaðið.

Dómurin

Nú hevur Føroya rættur lagt dómin á heimasíðu sína.

Hendingin var á einum hotelli í Havn leygarnáttina 9.februar. 

Ákærdi maðurin noktaði seg sekan, tí hann segði seg ikki minnast, hvat var hent.

Føroya rættur sigur, at tað er prógvað, at dømdi maðurin gav hinum nevan í hvussu so er tvær ferðir frammaná, so hann fekk skaða í nøsini, og helt jakkan hjá honum fyri andlit hansara.

Samfelagstænasta bar ikki til

Av tí at dømdi maðurin ikki býr í Føroyum, kann hann ikki verða dømdur at gera samfelagstænastu.

Men dómurin er treytaður, sigur rætturin, tí ákærdi og dømdi maðurin varð illa provokeraður og var tí uppøstur.

Tað er tó eigin umbering ella linkandi umstøður, at hann var fullur.