Nógv uppskot um viðtøkubroytingar

Ársaðalfundurin hjá Ognarfelagi Tryggingartakaranna fríggjadagin 5.apríl skal viðgera níggju uppskot um viðtøkubroytingar.

Trý uppskot eru frá sjálvum umboðsráðnum og seks eru frá fólkum í umboðsráðnum.
 
35 fólk eru í umboðsráðnum hjá Ognarfelagnum. Tryggingartakarar í Betri velja fólkini í umboðsráðið.

Umboðsráðið velur síðani nevndina í Partafelagnum Betri. 

Endamálið hjá Ognarfelagnum er at umsita stóru ognirnar hjá Betri.

Tað verður gjørt umvegis P/f Betri, sum er skipað sum eitt samtak við móðurfelagi og trimum dótturfeløgum.

Eitt dótturfelag hjá Betri hevur harafturat egið dótturfelag.