Tórshavnar Kommuna ætlar at banna russiskum skipum

Russisku skipini, sum liggja við kai í Kollafirði larma illa. Í fleiri ár hava borgarar funnist at larminum.

Tórshavnar Kommuna hevur tosað um, hvat fyri tiltøk tey kunnu seta í verk fyri at tálma larminum, sum er á Signabø.

– Hesi skipini larma sera illa, og tí fer býráðið at arbeiða víðari við málinum, sigur Annika Olsen, borgarstjóri.

Vinnunevndin í býraðnum fer at taka málið upp og finna útav, hvat mann gera. 

– Formaðurin í vinnunevndini fær fullan stuðul frá mær, sigur Annika Olsen.