Veljarakanning: Stórur spenningur um annan sessin

bannari
Veljarakanning: Stórur spenningur um annan sessin
Sambandsflokkurin fær annan fólkatingslimin, meðan stórur spenningur er um, hvør flokkur fær hin fólkatingslimin
 
04.06.2019 - 08:17

Stórur spenningur tykist vera um annan fólkatingslimin sum skal veljast í morgin, sambært eini kanning, sum Lóður hevur gjørt fyri VP.

Sambært kanningini fær Sambandsflokkurin annan fólkatingslimin, meðan stórur spenningur er um, hvør flokkur fær hin fólkatingslimin. 

Kappingin stendur millum Fólkaflokkin, Javnaðarflokkin og Tjóðveldi, sum sambært Lóður-kanningini liggja sera javnir. 

 >> SÍ EISINI Gallup: Sambands- og Javnaðarflokkurin vinna valið

Sambandsflokkurin fær 27,7 prosent av atkvøðunum, Tjóðveldi fær 23,6 prosent, Fólkaflokkurin fær 22,8 prosent og Javnaðarflokkurin fær 22,1 prosent. 

Kringvarpið almannakunngjørdi eina kanning í gjár, sum Gallup gjørdi. Hon vísti, at Sambandsflokkurin fær 27,6 prosent, Javnaðarflokkurin fær 23,4 prosent, Tjóðveldi fær 22,2 prosent og Fólkaflokkurin 19,1 prosent. 

Kanningin hjá Kringvarpinum er gjørd í døgunum frá 23. mai til 31. mai, meðan kanningin hjá Lóður er gjørd í døgunum frá 29. mai til 2. juni. Í báðum kanningunum hava um 500 fólk svarað.

Er kopiera
Nýggjastu sendingar í ÚV
Fríggjadag 11. apríl
Morgunlestur fríggjadagur 11.apríl 2025
190387
Hósdag 10. apríl
RagnarRokk 10.apríl 2025
189858
Hósdag 10. apríl
RagnarRokk: Oliver Philipps um Shells
189855
Nýggjastu sendingar í SV
Hósdag 10. apríl
Útilív 4:6
190570
Hósdag 10. apríl
Føroyar - Litava (36-26)
190551
Mikudag 9. apríl
Undansending: Føroyar - Litava
190512
Týsdag 8. apríl
Dagur og vika - teknmálstulkað
190454
Týsdag 8. apríl
Veðrið
190447