Størri valluttøka í ár

Fleiri valstøð hava boðað frá, at fleiri fólk hava verið og sett krossin, ímun til somu tíð fyri fýra árum síðani. Valluttøkan til fólkatingsvalið plagar at vera lítil, men seinastu tvey valskeiðini, er pílurin farin at peika uppeftir. 

Seinasta fólkatingsval øktist valluttøkan úr 59,8% í 2011 til 66,2 % í 2015 - og nú bendir alt á, at alsamt fleiri fólk fara á val í ár.

Valluttøkan til fólkatingsvalið hevur søguliga verið lítil. Tó var valluttøkan heili 90% í 2001. Mett verður, at tað vóru fullveldissamráðingarnar, ið elvdu til stóra sveiggið hetta árið.