Flogvanlukka í Íslandi

Eitt lítið ferðafólkaflogfar datt í gjárkvøldið niður nærindis flogvøllinum í Fljótshlíð á Suðurlandinum í Íslandi. Trý fólk lótu lív og tvey fingu álvarsligan skaða í flogvanlukkuni.

Myndugleikarnir fingu fráboðanina um hálvgum níggjutíðina í gjárkvøldið, og tá bjargingarlið og sjúkrabilar komu á staðið, var eldur í øðrum vonginum á flogfarinum.

Flogfarið er skrásett í USA, men íslendskur ríkisborgari eigur tað, skrivar Fréttablaðið.

Flogfarið er nú flutt inn í eina høll, har tað verður kannað. Kanningararbeiðið fer at taka nakrar vikur, sigur Ragnar Guðmundsson, starvsfólk á kanningardeildini.