- Tíðindi, mentan og ítróttur
Úrskurður av grundlógaravhoyringini í kvøld
Úrskurður av grundlógaravhoyringini í kvøld
Grundlógaravhoyringin í Føroya Rætti, har ein 24 ára gamal maður er skuldsettur fyri manndráp, er liðug nú fyri løtu síðani
20.06.2019 - 17:12
21. november í 2012 varð 16 ára gamla Maria Fuglø Christiansen funnin deyð við byrgingina millum Norðdepil og Hvannasund.
Hóast málið er hálvt sjeynda ára gamalt, so var ungi maðurin handtikin fyrrapartin í gjár
Ákæruvaldið vil hava mannin dømdan fyri at hava dripið ta tá 16 ára gomlu gentuna. Sambært skuldsetingini skal maðurin hava druknað hana, náttina til 21. november í 2012.
Grundlógaravhoyringin fórfram fyri afturlætnum hurðum, tí møguliga eru enn vitni, sum ikki eru avhoyrd.
Nú skal Føroya Rættur gera av, um ella hvussu leingi maðurin skal varðhaldsfongslast, meðan málið verður kannað. Og niðurstøðan úrskurðurin verður kunngjørdur kl 20 í kvøld.
Linda Hesselberg, ákæri, hevur onga viðmerking til málið.
Er kopiera
Nýggjastu sendingar í ÚV
Hósdag 17. september
Skráin á Tjóðpallinum 2026/27, fyrsta konsertin við Leu Eyðbjørg í Føroyum
213426
Nýggjastu sendingar í SV
